تربية دواجن التسمين
مدة تربية الدواجن التسمين من 35 الى 45 يوم من لحظه استلام الكتاكيت عمر يوم وحتى يبلغ متوسط وزن 2 كيلو جرام حسب نوع السلاله وتركيبة العلف
1-الفترة الاولى :- منذ استلام الكتاكيت من عمر يوم حتى 21 يوم ( يطلق عليها فتره التحضين ) ويتوقف نجاح الدوره بالكامل على هذه الفترة المهمة من عمر الدواجن
2- الفترة الثانيه :- من عمر 22 يوم وحتى نهاية الدورة و هذه الفترة هي الأكثر في المشاكل والأصعب في العمل وذلك نتيجة لزيادة حجم الفراخ ، وبعد بضعة أيام يبدأ التزاحم في العنبر مع زياده الحجم ، وتبداء معها المتاعب وتزداد المشاكل
ولتجنب هذه المشاكل يجب اتباع الآتي :-
1- الالتزام بتحديد عدد الفراخ في العنبر بتخصيص عدد 10 كتاكيت لكل متر مربع من مساحة العنبر
مثال : عنبر مساحتة 100 × 1000 = 10 فرخ
حيث ان التزاحم يؤدي إلى عدم تجانس الدواجن وظهور افراخ ضعيفة مع سرعة انتشار الأمراض
2- توفير العلف المتوازن من مصدر موثوق فيه مع عدم التجويع الشديد
3- تخصيص مسقى لكل 100 فرخ وعلافة لكل 50 فرخ
4- الاهتمام اليومي بنظافة الفرشه وجفافها
5- ضبط فتحات الشبابيك او الستائر التي تسمح بدخول الهواء النقي وتحويله دون دخول تيار الهواء البارد علي الدواجن مباشر
6- المرور باستمرار لضبط التهوية وحث الدواجن لتناول العلف وذلك بهز المعالف لملئ طبق المعلف دون اي تهدير في العلف
7- منع دخول العنابر لغير العاملين بها مع اتباع وسائل التطهير الروتينية قبل دخول العنبر
دراسه مشروع تربية فراخ التسمين فى المنزل
هنتكلم عن المشروع بشكل مبسط لعدد 100 كتكوت ازاى نحسب التكلفه وماهى المخاطر والعقبات
اول خطوه فى اى مشروع دراسة السوق وبالنسبه للسوق الاقبال على فراخ التسمين كبير جدا
تانى خطوه التسويق للمنتج وتسويق الفراخ من اسهل ما يكون اولا البيع للاهل والجيران او البيع لمحلات الدواجن او البيع للتجار ووفى تجار كتير جدا فى المجال ده
ثالث خطوه المكان اى مكان فى المنزل او أوضه فوق السطوح تصلح للتربيه المتر المربع بيكفى لعدد 10 فرخات يعنى اوضه 3*4 تكفى اكتر من 100 فرخ
نبداء نحسب التكلفه
100 فرخ على حسب سعر اليوم وسعر يوم المنشور ده الفرخ ب 3 جنيه
يعنى 100*3=300 جنيه
الفرخ بيستهلك فى دورة حياته 3كيلو ونص علف
يبقى تكلفة العلف على حسب سعر اليوم وسعر العلف النهارده بتاريخ كتابة المنشور 7 جنيه يبقى 100 كتكوت يستهلكو 350 كيلو علف سعر الكيلو 7 جنيه يبقى المجموع 350*7=2450
وهنحتاج نشاره وأدويه وكهربا ومصاريف نثريه 300 جنيه
يبقى التكلفه الكليه سعر الكتاكيت +سعر العلف+المصاريف
يبقى 300+2450+300=3050
يعنى الكتكوت يصرف لحد نهاية الدوره 30جنيه ونص بتاريخ المنشور
لو قلنا دوره ناجحه بدون نافق متوسط الاوزان 2 كيلوا يبقى عندنا 200 كيلوا لحم
سعر اللحم اليوم فى اللبورصه السبت 1-7
-2018 -- 28.00 جنيه
يبقى 200*28=5600
نخصم منهم التكلفه ال هى 3050 يبقى 5600-3050=2550 صافى الربح من 100 كتكوت فى خلاال 35 يوم
ده بالنسبه لدوره ناجحه مفهاش نافق وطبعا احتمال النافق وارد يعنى نقول شيل كمان 550 جنيه يتبقى 2000 جنيه
ولازم يكون عندك خبره فى التربيه واحتمال الخساره وارد جدا
وربنا يرزق الجميع
تعليقات
إرسال تعليق